Cylchdaith Carmel

DAETH 15 ohonom ar ein taith ddiweddaraf ar ein taith gerdded gylchol yn dechrau a gorffen ym mhentref Carmel uwchben Caernarfon.

Mae Carmel yn Nyffryn Nantlle, Gwynedd, rhwng Groeslon a'r Fron.

Saif wrth droed Mynydd y Cilgwyn.

Mae’r ardal yn gyforiog o hanes a cheinciau’r Mabinogi, tywysogion, ei llynnoedd ac ôl diwydiant a’r chwareli.

Datblygwyd y pentref fel man i weithwyr chwareli llechi'r ardal fyw.

Enwyd y pentref ar ôl capel y Methodistiaid Calfinaidd a sefydlwyd ym 1827.

Cafodd y capel ei enw o'r enw beiblaidd Mynydd Carmel.

Gan ddechrau yng Ngharmel, fe gerddon ni i fyny i hen chwarel Cilgwyn a drowyd yn safle tirlenwi gwastraff rai blynyddoedd yn ôl ond sydd bellach wedi’i gau.

Roedd golygfeydd gwych uwchben Talysarn a chwarel Dorothea a Llyn Nantlle a draw i Fae Caernarfon.

Roedd yn bosib hefyd gweld Crib Nantlle a Drws y Coed drwy’r awyr lwyd.

Fe gerddon ni ar hyd yr hen ffordd i bentref Y Fron a chael lloches groesawgar yn Y Ganolfan yno a chael cinio, diodydd poeth a defnyddio’r cyfleusterau.

Ar un adeg roedd Y Fron wedi ei amgylchynu gan chwareli Pen-y-bryn, Pen-yr-Orsedd, Cilgwyn, Dorothea, Talysarn, Braich, Yr Hen Fraich, yr Hen Fron, Bryn Fferam, Moel Tryfan ac Alexandra.

Fe adawon ni’r Fron a throedio ar hyd y ffordd tuag Rhosgadfan cyn cymryd y troad tuag at dreflan Bryn a dychwelyd i Garmel lle'r oedd bws Dilwyn yn aros amdanon ni,

Roedd y daith gylch hon yn oddeutu pedair milltir a’r arweinwyr y tro hwn oedd

Alun a Bethan Roberts.

Rydym yn trefnu teithiau cerdded ar y trydydd dydd Mercher ymhob mis.

Mae croeso arbennig i unrhyw un sydd ag unrhyw nam golwg i ymuno a ni.

Os oes diddordeb gyda chi – ffoniwch Bethan ar 01248 neu anfonwch at admin@nwsb.org.uk