Hysbysiad ar gyfer ein taith gerdded nesaf ddydd Mercher, Tachwedd 6, 2024

Taith Gerdded Gylchol Llanberis

Oherwydd rhagolygon tywydd anffafriol bu'n rhaid canslo'r daith gerdded arfaethedig wythnos diwethaf i Aberffraw, Ynys Môn.

O weld bod cinio Nadolig ein grŵp cerdded ar ddydd Mercher, Rhagfyr 4 (manylion a bwydlen i ddilyn yn yr wythnosau nesaf), rydym wedi penderfynu dod â’n taith gerdded nesaf ymlaen ychydig wythnosau i ddydd Mercher, Tachwedd 6.

Eurwyn Thomas, gwirfoddolwr yn y grŵp, fydd yn arwain y daith gerdded o amgylch Llanberis.

Bydd yn gylchdaith o tua 4 milltir ar yr hyn a fydd yn bennaf yn llwybrau tarmac.

Byddwn yn cychwyn ein taith gerdded yn y maes parcio ger y cerflun 'Llafn y Cewri' am 11:00yb.

Gan fynd yn rhannol o amgylch Llyn Padarn, byddwn yn gwneud ein ffordd tuag at Amgueddfa Lechi Cymru lle mae byrddau picnic a thoiledau.

Dyma lle byddwn yn cael ein egwyl ginio.

Ar ôl cinio byddwn yn parhau â’n taith gerdded heibio hen Ysbyty Chwarel Dinorwig gan wneud ein ffordd heibio i Gastell Dolbadarn sy'n adeilad Gradd 1 rhestredig a adeiladwyd ar ddechrau’r 13eg ganrif gan Lywelyn Fawr, gan gwblhau ein taith gerdded yn y maes parcio lle cychwynasom.

Bydd cludiant yn cael ei ddarparu gan Cymdeithas Deillion Gogledd Cymru - North Wales Society of The Blind gan adael Bangor am 10:30yb a dychwelyd i Fangor tua 15:00yp.

A fyddwch mor garedig â rhoi gwybod i ni erbyn canol dydd dydd Mercher nesaf Hydref 30 os ydych yn bwriadu ymuno â ni ym Mangor neu os byddwch yn gwneud eich ffordd eich hun i Lanberis.

Drwy roi gwybod i ni erbyn y dyddiad hwn, gallwn wneud trefniadau i weld faint o dywyswyr y byddwn ei angen.

Ein cyswllt symudol ar y diwrnod yw 07949 996405

Edrych ymlaen i'ch gweld chi gyd.

Byddwn yn gohirio’r daith os bydd tywydd garw.

Os bydd angen i ni wneud penderfyniad i ganslo, byddwn yn rhoi gwybod i chi drwy e-bost a neges destun erbyn 6yh ar y noson cyn y daith gerdded.

Wrth ymateb i'r hysbysiad hwn, a allech gynnwys rhif ffôn symudol lle gallwn anfon negeseuon testun os gwelwch yn dda.

Mae’n bwysig, os ydych yn bwriadu ymuno â ni, eich bod yn rhoi gwybod i Bethan cyn gynted â phosibl fel y gallwn drefnu’r tywyswyr priodol ar bethan@nwsb.org.uk neu 01248 353604.

Byddem yn ddiolchgar pe gallech roi gwybod i ni:

1. A fyddwch chi'n ymuno â ni ar y daith gerdded?
2. A oes unrhyw un yn dod gyda chi?
3. Oes angen gwirfoddolwr tywys â golwg arnoch chi?
4. Eich rhif ffôn symudol.
5. Ble byddwch chi'n cwrdd â'r grŵp?