Hyfforddiant ymwybyddiaeth i wirfoddolwyr

Cafodd pedwar o wirfoddolwyr hyfforddiant ymwybyddiaeth gan Gymdeithas Deillion Gogledd Cymru 4.3.26.

Pwrpas y cwrs oedd dysgu sut i fod yn fwy ymwybodol o’r gwahanol gyflyrau nam golwg a’r effaith y maen nhw yn eu cael ar bob unigolyn mewn gwahanol ffyrdd.

Arweinyddion y cwrs oedd Annest Jeffery a Sara Milner-Jones, y ddwy yn swyddogion adfer gyda’r Gymdeithas.

Mae 1.7 miliwn o bobl gyda nam golwg yn byw yn y Deyrnas Gyfunol a 20,000 yng Nghymru.

Mae’r gwahanol gyflyrau yn cynnwys glawcoma, cataracts, retinopathi diabetig a dirywiad maciwlaidd.

Soniodd y ddwy am waith y swyddog adfer ac am y broses gofrestru a chyfeirio a’r gwasanaethau buddiol a gynigir gan y Gymdeithas gan gynnwys ein canolfan adnoddau yn Stryd Fawr, Bangor.

Mae rhai pobl wedi disgrifio colli eu golwg fel profiad tebyg i’r broses galaru.

Neges bositif y Gymdeithas yw fod yna fywyd ar ôl colli golwg.

Cafodd aelodau’r cwrs wedyn wisgo sbectolau arbennig i efelychu’r gwahanol gyflyrau cyn gwisgo mwgwd.

Wedyn rhoddwyd cyngor ar sut i arwain person dall yn gywir gan roi disgrifiadau clir iddyn nhw o’r awyrgylch o’u cwmpas a rhwystrau posib.

Trafodwyd yr adnoddau a chefnogaeth sydd ar yn lleol a chenedlaethol gan gynnwys cŵn tywys a’r diweddara mewn sbectolau tebyg i sbectol Ray-Ban Meta.

Cytunodd y pedwar eu bod wedi dysgu llawer o fynychu’r cwrs undydd.

Mae’r Gymdeithas yma ac ar gael i unrhyw un ar draws y Gogledd a’r canolbarth sydd eisiau cymorth.

Os hoffech chi archebu hyfforddiant ymwybyddiaeth ar gyfer eich cwmni, asiantaeth, awdurdod neu eich cymdeithas chi, ffoniwch ni 01248 353604 neu admin@nwsb.org.uk neu galwch mewn i’n canolfan adnoddau yn 325, Stryd Fawr, Bangor, Gwynedd LL57 1YB.