Dyddiau ‘GWRANDO Nei Di!’ i hyrwyddo llyfrau llafar yn llwyddiant mawr!
Yn ddiweddar, trefnwyd dau fore gan Gymdeithas Deillion Gogledd Cymru a Llyfrgelloedd Gwynedd i hyrwyddo llyfrau llafar.
Cynhaliwyd y cyntaf yn Llyfrgell Porthmadog ddydd Llun, Gorffennaf 6 a'r ail yn Llyfrgell Caernarfon ddydd Llun, 13 Gorffennaf.
Roedd yn gyfle i unigolion gael gwybodaeth am ein gwasanaeth llyfrau llafar GWRANDO.
Bob blwyddyn, mae'r Gymdeithas yn cynhyrchu 12 llyfr llafar Cymraeg i oedolion a 12 llyfr i blant.
Mae'r recordiadau hyn ar gael yn rhad ac am ddim yn y llyfrgelloedd ar CD, MP3 neu i'w lawrlwytho neu gellir eu prynu gan y Gymdeithas fel rhan o'i gwasanaeth GWRANDO.
Roedd arbenigwr Adsefydlu Gweledol y Gymdeithas hefyd yn bresennol, gan ddangos ac egluro'r amrywiaeth o gymhorthion ac offer arloesol sydd ar gael i bobl sy'n byw gyda nam golwg.
Yn ystod y bore, cafwyd cyfle hefyd i fwynhau perfformiad cerddorol byw gan Phill Jones, y canwr-gyfansoddwr talentog o Gaernarfon sy'n byw gyda nam golwg.
Mae'n adnabyddus yn lleol am ddefnyddio ei gerddoriaeth i rannu ei stori ac ysbrydoli eraill.
Perfformiodd ei gân ddiweddaraf yn ystod y digwyddiad hefyd.
Roedd y ddau ddiwrnod yn llwyddiannus iawn, ac mae mwy o ddigwyddiadau tebyg wedi'u cynllunio ar gyfer y dyfodol.
