Fideo arbennig i gyflwyno’r sbectol Meta Ray-ban

Mae Cymdeithas Deillion Gogledd Cymru wedi cynhyrchu fideo arbennig i gyflwyno'r sbectol Meta Ray-ban.

Mae technoleg Deallusrwydd Artiffisial (AI) yn y sbectol yn cynnig manteision sylweddol i bobl sy'n byw gyda nam golwg. 

Yn y fideo hwn, (sydd yn Saesneg yn unig) mae swyddog datblygu’r Gymdeithas Deillion Gogledd Cymru, Nick Thomas, yn dangos sut mae'r sbectol yn gweithio. 

Mae'r sbectol yn dod mewn bocs gyda chynhwysydd gwefru, defnydd glanhau a rhywfaint o lenyddiaeth sy'n cynnwys canllaw dechrau’n gyflym.

Dywedodd Nick fod y sbectol yn gweithio trwy ddefnyddio camera yn y gornel chwith o'r ffrâm.

Caiff y sbectol ei deffro gan y geiriau deffro: “Hey Meta”.

Yna, mae'r sbectol yn cysylltu â'r ap Meta i gyflawni eich cais. 

Mae'n rhaid i'r ap Meta gael ei lawrlwytho i ddyfais ffôn clyfar neu dabled. 

Dywedodd Nick: “Gobeithio fod y fideo hwn yn dangos pa mor ddefnyddiol y gall y sbectol Meta fod i bobl gyda nam golwg a'r manteision sy'n dod gyda nhw.

“Rwyf wedi dangos nodweddion Look and See y sbectol ond mae gan y sbectol nodweddion eraill a allai fod o ddefnydd i bobl sy'n byw gyda nam golwg. 

“Gallant gysylltu i ffôn clyfar a throsglwyddo gwybodaeth galwadau ffôn a negeseuon trwy WhatsApp a Facebook hefyd.

“Gallwch hefyd wneud a derbyn galwadau ffôn ar y sbectol eu hunain trwy ddefnyddio eich llais. 

“Mae llawer mwy o bethau y gall y sbectol eu gwneud.” 

Os hoffech chi ragor o wybodaeth am y sbectol a pha mor ddefnyddiol gallant fod i chi, yna cysylltwch â Nick Thomas, ym Mhrifysgol Gogledd Cymru, ar 01248 353604 neu e-bostiwch nick@nwsb.org.uk.