Wendy a Bethan yn ymweld â Bryn Meddyg

Ymwelodd Wendy a Bethan â Bryn Meddyg, cartref byw â chymorth ger Pwllheli, lle cawsant groeso cynnes gan y preswylwyr a’r staff fel ei gilydd.

Cynhaliwyd yr ymweliad fore’r 24ain o Fehefin – a oedd yn achlysur hamddenol a phawb yn llawn sgwrsio.

Esboniodd Wendy ystod y cymorth sydd ar gael i bobl sy’n byw gyda nam golwg — o adsefydlu ymarferol a thechnegau byw bob dydd i ymweliadau cartref ac arweiniad ar gynnal annibyniaeth.

Dangosodd Bethan amrywiaeth o offer a gynlluniwyd i wneud tasgau bob dydd yn haws i bobl â nam golwg.

Cafodd y preswylwyr gyfle i drin yr eitemau, rhoi cynnig ar bethau a gofyn cwestiynau.

Gwerthfawrogodd y staff y cyfle i weld yr offer hefyd.